DOSFARM өнімдері туралы сұрақтарға жауаптар

Сұрақ:
Сіздің лидокаиніңізді сата бастадық, өте ыңғайлы, клиенттер де жақсы пікір қалдырып жатыр. Бірақ Santo компаниясының өкілдері цефтриаксонды тек өздерінің шыны ампуладағы лидокаинімен ғана ерітуге болады деп сендіреді. Олардың айтуынша, лидокаинді пластикте сақтау жарамсыз. Осы ақпарат шындыққа сәйкес келе ме?

Жауап:

Құрметті Ольга.

Santo компаниясының өкілдері Сізді жаңылыстырып отыр. Олар ұсынған ақпарат шындыққа сәйкес келмейді.

Препараттарды енгізу тәсілдері және оларға қойылатын ерекше талаптар туралы барлық ақпарат препараттың медициналық қолдану жөніндегі нұсқаулығында көрсетіледі.

Цефтриаксонды немесе осы топтағы антибиотиктерді тек шыны ампуладағы Лидокаинмен ғана еріту қажет деген ақпарат Цефтриаксон препаратының медициналық қолдану жөніндегі нұсқаулықтарында жоқ. Бұл Цефтриаксон-БХФЗ, Цефтриаксон-Сандоз және басқа өндірушілердің препараттарына да қатысты.

Сонымен қатар, Лидокаин гидрохлориді-DF препараты Дәрілік заттар мен медициналық бұйымдарды сараптау ұлттық орталығында тексеруден өтіп, BFS пластикалық ампулаларында Қазақстан Республикасының аумағында қолдануға тіркелген және рұқсат етілген. Әрбір серия дәрілік заттың қауіпсіздігі мен сапасы туралы қорытынды алу кезінде сараптамадан өтеді.

Тағы да атап өткіміз келеді: біздің препараттың медициналық қолдану жөніндегі нұсқаулығында 1% лидокаин ерітіндісі цефалоспориндер тобына жататын β-лактамды антибиотиктерді бұлшықет ішіне енгізуге арналған инъекциялық ерітінділерді дайындау үшін еріткіш ретінде қолданылатыны көрсетілген.

Сұрақ:
Сәлеметсіз бе! Мен Түркістан қаласындағы «Ақ-Тілек» дәріханасы, ЖК ВАХАПОВА өкілімін. Біздің провизорларымызда мынадай сұрақ бар: Лидокаин-DF 1% препаратымен антибиотиктерді ерітуге бола ма? Себебі бұл нұсқаулықта көрсетілмеген.

Жауап:

Құрметті «Ақ-Тілек» дәріханасы.

Әрине, болады. Біздің препараттың медициналық қолдану жөніндегі нұсқаулығында 1% лидокаин ерітіндісі цефалоспориндер тобына жататын β-лактамды антибиотиктерді бұлшықет ішіне енгізуге арналған инъекциялық ерітінділерді дайындау үшін еріткіш ретінде қолданылатыны көрсетілген.

Сұрақ:
Қайырлы кеш! Мені Алергозол-DF спрейінің ересектерге арналған түрінің бір данасының бағасы қызықтырады. Құрметпен,
Нұржанұлы Нұркенже
ЖК «Қаз-Нұр кенже»

Жауап:

Құрметті Нұркенже.

Алергозол-DF 0,06% препаратының 1 құтысының бағасы шамамен 400 теңгені құрайды.